Breytueyt kuchsiz jamoalarga o‘tishni istamayapti

"Barselona" futbolchisi Martin Breytueyt "Barselona"dan ketishga qarshi emas. U faqat bir shart bilan jamoadan ketishga rozilik bildiradi. 

"Diario Sport" nashrining xabar berishicha, hujumchi Angliya yoki Ispaniyaning nomdor jamoalariga o‘tishni istamoqda. U kuchsiz klublar bilan shartnoma imzolashni rejalashtirmayapti. 

Agar takliflar Martinga ma’qul kelmasa, u katalon jamoasida qolishini ma’lum qilgan. Biroq hozirda Breytueytga hech qanday takliflar kelib tushmagan. 

Ma’lumot o‘rnida, daniyalik iqtidor egasining "Barselona" bilan amaldagi shartnomasi 2024 yil 30 iyunda yakuniga etadi.