"Bu feyk", - Fabritsio Romano Antonining transferi haqida

So‘nggi paytlarda "Manchester Yunayted" a’zosi Antoni yarim mavsumlik ijara asosida "Olimpiakos"ga o‘tishi haqida mish-mishlar chiqdi. 

Ammo Fabritsio Romano bunday xabarlarni inkor qilmoqda. Uning so‘zlariga ko‘ra, futbolchini Gretsiya klubi o‘z tarkibiga qo‘shib olish ehtimoli yo‘q, garchi jamoa bir necha kun oldin qiziqish bildirgan bo‘lsada. Ayni paytda hech qanday muzokaralar ham bo‘layotgani yo‘q. 

Eslatib o‘tamiz, Antoni ushbu mavsum "qizil iblislar" tarkibida 12 ta o‘yinda maydonga tushib, 1 ta gol urdi.