Bundesligada ikki "millioner" futbolchi paydo bo‘ldi

Transferlarga ixtisoslashgan nufuzli transfermarkt.de portali Germaniya chempionatida to‘p surayotgan futbolchilarning transfer summalari kiritilgan ro‘yxatni yangiladi.

Unga ko‘ra, o‘tgan mavsumda narxi yuqoriga ko‘tarilib, rekord summa – 130 million evroga etgan  Jeydon Sancho joriy mavsumda zo‘r o‘ynay olmayotgani ta’sir qilmoqda. Dortmundning “Borussiya”sidan ketolmay yurgan 20 yoshli yarim himoyachining bu galgi narxi 100 ming evro miqdorida belgilandi.  

“Millioner” futbolchilar qatoriga dortmundliklarning yana bir futbolchisi – Erling Xoland yangi qo‘shildi. 2019 yilda uning transfer summasi atigi besh million evro edi. Xoland gol urgan sari uning narxi ham oshmoqda va 100 million evroga etdi.

Umuman olganda, dunyo bo‘yicha transfer summasi 100 million evro va undan yuqori baholanayotgan 12 nafar futbolchi bor xolos.

Ular bilan tanishing:

Kilian Mbappe (PSJ) — 180 mln evro

Raxim Sterling (“Manchester Siti”) — 128 mln evro

Neymar (PSJ) — 128 mln evro

Sadio Mane (“Liverpul”) — 120 mln evro

Muhammad Saloh (“Liverpul”) — 120 mln evro

Harri Keyn (“Tottenxem”) — 120 mln evro

Kevin De Bryuyne (“Manchester Siti”) — 120 mln evro

Trent Aleksander-Arnold (“Liverpul”) — 110 mln evro

Joao Feliks (“Atletiko”) — 100 mln evro

Lionel Messi (“Barselona”) — 100 mln evro

Erling Xoland (“Borussiya D”) — 100 mln evro

Jeydon Sancho (“Borussiya D”) — 100 mln evro