"Bunyodkor" bosh murabbiyi bugun 15 yoshli futbolchini maydonga tushirdi (foto)

Biroz avval "Bunyodkor" safarda "Qo‘qon-1912" bilan kuch sinashdi. Unda "qaldirg‘ochlar" kichik 1:0 hisobida zafar quchdi. 

Ahamiyatlisi, mazkur bahsda mehmonlar bosh murabbiyi Ivan Boshkovich zaxiradan 15 yoshli futbolchi Aziz To‘lqinbekovni maydonga tushirdi. U 2007 yilda tavallud topgan. Bugun Aziz uchrashuvda 104-raqam ostida harakat qildi. 

Ma’lumot o‘rnida, "Bunyodkor" ayni payt turnir jadvalida 34 ochko 7-o‘rinni egallab turibdi.