“Chelsi” super futbolchi uchun kuni kecha olgan himoyachisidan voz kechyapti

“Chelsi” rahbariyati kuni kecha o‘z tarkibiga qo‘shib olgan Malang Sarrni “Bayer” yulduzi Kay Xavertsning transferiga qo‘shishga qaror qildi.

Agar kelishuv amalga oshsa, 21 yoshli frantsiyalik himoyachi sotib olish huquqisiz bir yilga Leverkuzenga yo‘l oladi. Shunda “Chelsi” Xaverts uchun bonuslardan tashqari 72 million funt to‘laydi.

“Nitstsa”ni tark etib, erkin agentga aylangan Malang Sarr londonliklar bilan uzoq muddatli shartnoma imzolagan. Bu himoyachini “Barselona” ham o‘z safiga chorlayotgan edi.