Dibalaga ruxsat berishdi

“Yuventus” hujumchisi Paulo Dibala nihoyat Turinga qaytdi va tibbiy tekshiruvlardan so‘ng jamoaga qo‘shildi.

Ta’kidlash kerakki, 26 yoshli argentinalik futbolchi 21 mart sanasida koronavirusga chalingan edi. U ushbu kasallik bilan naqd 1,5 oy kurashdi. J Medical tibbiyot markazida o‘tkazilgan so‘nggi tekshiruvlardan so‘ng unga jamoa qarorgohida yakka tartibda shug‘ullanishga ruxsat berilgan.

“Menda hammasi yaxshi”, - deydi Dibala Corriere dello Sport nashriga bergan intervyusida.

Paulo Dibala joriy mavsum “Yuventus” safida jami 13 ta gol hamda 12 ta golli uzatmaga mualliflik qildi.