Husanovga hatto Haverts ham ovoz beradi!

“Манчестер Сити” апрель ойининг энг яхши футболчисини аниқлаш мақсадида сўров ташкил қилгани ҳақида хабар берган эдик.

Клубнинг бутун дунё бўйлаб тарқалган мухлислари уч нафар номзод – Абдуқодир Ҳусанов, Бернарду Силва ва Нико О'Райли ўртасида апрель ойида энг зўр ўйнаган чарм тўп устасини овоз бериш йўли билан аниқлаши талаб этилади.

Айни пайтда “шаҳарликлар”нинг ижтимоий тармоқлардаги расмий саҳифаларида ойнинг энг яхши ўйинчиси кимлиги бўйича муҳокамаю мунозаралар қизғин давом этмоқда. Унда аксарият мухлислар апрель ойида ҳам “Манчестер Сити”нинг энг зўр футболчиси Абдуқодир Ҳусанов бўлганини таъкидлаяпти.

Sports.uz  портали “Манчестер Сити” фанатлари билдирган фикр-мулоҳазалар орасидан энг қизиқарлиларини ўзбекистонлик футбол ишқибозлари эътиборига ҳавола этишни маъқул кўрди.

Jack Lane:

Уларнинг барчаси ажойиб ўйинчилар ва ҳар бири бу мукофотга ўзича муносиб. Танлаш жуда қийин. Менимча, Ҳусановга бўлган доимий қўллаб-қувватлашимиз уни янада юқори даражага олиб чиқди. Дебютидан кейин ҳам унга катта меҳр кўрсатдик ва бу ҳиссиёт тобора кучайиб борди. Негадир бу йигит менга жуда ёқади ва унинг ғолиб бўлишини истайман. Бернарду биз учун қанчалик муҳим бўлганини билади ва биз ҳам буни яхши биламиз. У мавсум охирида шон-шарафга эга бўлади. О'Райли эса осонликча йил ўйинчиси бўла олади. Шунинг учун мен гапим шу: бу совринни Ҳусановга беринг ва унинг ҳайратланарли ўйини давом этсин.

John Senior:

Ҳусанов жуда яхши ривожланмоқда.

Abundance Harry:

Ҳатто Хосеп Гвардиола ҳам энг зўри Ҳусанов эканини билади. Мен аввал бундай ҳимоячини кўрмаганман.

Gouhao Haokip:

Ҳусанов – бизнинг ҳозирги ва келажак деворимиз...

Aaron G. Maseko:

Совринга ҳаммаси муносиб, лекин Ҳусанов алоҳида мавзу.

Andrew Johns:

Танлаш жуда қийин. Уларнинг ҳаммаси муносиб. Эҳтимол, Ҳусановни танлайман, чунки у асосий таркибда бўлса, биз ўйинни ютишимизни ҳис қиламан. “Сити” деярли ҳар доим гол уради, аммо рақибларга бўшлиқ ҳам қолдиради. Ҳусанов эса доим ҳаммасини ёпиб ташлайди.

Paul Chisinga:

Агар Ҳусанов энг зўри бўлмаса, унда ким?

Evangelist Thomas Tembo:

Ҳусанов ўйнаса, жамоа гол ўтказмаяпти. Дарвозани уч марта голдан қутқарди.

Jaisal Minaj:

Ҳусанов... ҳимоянинг юраги...

Consider R Zvemoyo:

Бернарду ғолиб бўлишини истардим, аммо Ҳусанов бтиб чиқиши шубҳасиз.

Brave DE Nkosana:

Ҳимоя қироли – Абдуқодир Ҳусанов.

Joseph Muneeni Kimanzi:

Ҳатто Хаверц ҳам Ҳусановга овоз беради.

Trevor Manyandu:

Ҳусанов бунга муносиб. У бу ойда жуда катта меҳнат қилди ва биз Рубен Диашнинг йўқлигини деярли сезмадик.

Annie Empires Place:

Фақат Ҳусанов. Уч ойдан бери номзод бўляпти, демак муносиб.

Jamal Nuur Omar:

Ҳусанов совринга муносиб. У “Арсенал”га қарши ҳам, “Бёрнли” ва “Челси” билан ҳам зўр ўйнади.

Nyami Ezekiel:

Ҳусанов қайси рўйхатда бўлмасин, ютади. Лекин Бернарду Силвани ҳам ҳурмат қилайлик.

Andrea Andrew:

Агар нима учун ютқазмаётганимизни билмасангиз, бунинг сабабчиси – Ҳусанов.

Tendai Marumahoko:

Ҳусанов бутун ҳимояни бир ўзи ушлаб турибди.

Empires Ime:

Келинглар, бу совринни Ҳусановга берайлик, чунки у муносиб.

Kelvin Kays:

Ҳусанов мени ҳар доим биринчи ўйинида уни танқид қилганим учун уялтиради. Бу одам ҳимояда порлаяпти. Ютуқни унга беринг, муносиб.

Kiki Yu:

Балки баъзиларга фикрим ёқмас, балки О'Райлини танлашар, лекин футбол фақат гол уришдан иборат эмас. Ҳусанов ҳимояда ҳақиқатан ҳам ёрқин ўйнаяпти.

Josphat Koki:

Ғолиб кимлиги аниқ-ку, овоз бериб нима қиламиз! Ғолиб – бизнинг ўзбек жангчимиз –  АК45.

Эслатиб ўтамиз, Абдуқодир Ҳусанов жорий мавсумда “Манчестер Сити”да ойнинг энг яхши ўйинчиси совринини икки маротаба қўлга киритган ягона ўйинчи ҳисобланади. 22 ёшли легионеримиз январь ва март ойларининг энг зўр футболчиси бўлди.

Қолган ойлардаги совринлар тақсимоти қуйидагича бўлди:

Август: Тижани Рейндерс

Сентябрь: Жереми Доку

Октябрь: Эрлинг Холанд

Ноябрь: Фил Фоден

Декабрь: Райан Шерки

Февраль: Нико О'Райли.

Шацких: Ҳусановни бу футболчи билан солиштирманг!

У мени ютади! Машҳур ҳужумчи Ҳусановнинг зўрлигини тан олди

Иккита супергол урган Шомуродов “Олтин бутса”ни қўлга кирита оладими?

Шомуродов трансферига Италия ва Туркиядан қандай муносабат бўлди?

Ҳакам: Ҳусановга қизил карточка кўрсатиш керак эди!

Холанд Хусановдан ҳайратга тушди