Ignatiy Nesterov "Lokomotiv"ni tark etdi. Tajribali darvozabon boshqa klubda shug‘ullanmoqda

"Lokomotiv" klubining tajribali darvozaboni Ignatiy Nesterov faoliyatini boshqa jamoada davom ettiradi. 

SPORTS.uz saytiga ma’lum bo‘lishicha, Nesterov "temiryo‘lchilar"ni tark etgan. Posbon ayni paytda "Qizilqum" klubida shug‘ullanmoqda va mavsumning qolgan qismini navoiyliklar safida o‘tkazishi kutilmoqda.

Shuningdek, "Qizilqum" tarkibida katta o‘zgarishlar bo‘lishi mumkin. Bu borada klub bir nechta futbolchilarga qiziqish bildirmoqda va yaqin orada ular haqida ma’lumot beramiz.