“Inter” “Real” futbolchisini xarid qilishi mumkin

"Real" himoyachisi Alvaro Odriosola faoliyatini "Inter"da davom ettirishi mumkin. Italiyalik jurnalist Nikolo Skiraning xabar berishicha, ispaniyalik futbolchining xizmatlari “neradzurri” rahbariyatiga taklif qilingan.

Avvalroq, Odriosola transferga qo‘yilgandi. Futbolchi o‘tgan mavsumni "Fiorentina"da ijarada o‘tkazdi, ammo florentsiyaliklar uni to‘liq sotib olish uchun etarlicha pul topa olmadi. “Real” esa unga asosiy tarkibdan joy kafolatlay olmaydi.

Alvaro "Inter"da o‘ng qanot himoyachisi Denzel Dyumfrisning o‘rnini egallashi mumkin. Boisi, milanliklar uni qarzlarini to‘lash uchun 40 million evroga sotmoqchi. Gollandiyalik futbolchiga hozirda “Chelsi” va “Manchester Yunayted” klublari qiziqish bildirmoqda.