Iskanderov: "Ertaga qora an’ana tugaydi"

Ertaga O‘zbekiston milliy terma jamoasi "JCh-2026" saralashining uchinchi bosqichi doirasida BAA termasiga qarshi bahs olib boradi. Bugun futbolchilarimiz noqulay ob-havoga qaramay navbatdagi umumjamoa mashg‘ulotini o‘tkazdi. 

Terma jamoamiz yarim himoyachisi Jamshid Iskanderov ertangi bahs oldidan o‘z fikrlarini bildirib o‘tdi va jurnalistlarning savollariga javob berdi.

Ertangi bahs oldidan jamoaning tayyorgarligi qanday?

- Hozir barcha yaxshi formada. Eron bilan o‘yindan keyingi toliqishlar yo‘qoldi. O‘yinga 100 % tayyormiz. Albatta oson o‘yin bo‘lmaydi. Biroq, uch ochkoni qo‘lga kiritishga astoydil harakat qilamiz. 

Jamoalar kuchi teng bo‘lsa-da, BAAni hozirgacha o‘z stadionimizda mag‘lub eta olmaganmiz. Jamoa ertaga bu qora an’anaga nuqta qo‘ya oladimi?

- Ishonchim komil biz ertaga aniq g‘alaba qozonamiz.

Tarkibda jarohat olgan futbolchilarning o‘rni ertaga qanchalik rol o‘ynaydi deb o‘ylaysiz?

- Har bir futbolchining o‘z o‘rni bor. Biroq, ularning o‘rnini to‘ldiruvchi jamoadoshlarimiz etarli.