Jahon chempionati oʻyiniga ayol hakam tayinlandi

Jahon chempionatida birinchi o‘yin kechasini mag‘lubiyat bilan boshlagan Chexiya va Janubiy Afrika Respublikasi terma jamoalari o‘rtasidagi bahsni ayol hakam boshqaradi. Maydondagi bosh hakam sifatida Tori Penso ish olib boradi, unga yordamchi sifatida ham ayol hakamlar tayinlangan. Bunday tajriba ilk bor Qatarda o‘tgan jahon chempionatida qo‘llanilgan edi, o‘shanda uchrashuvni Stefani Frappart boshqargan.

Tori Penso o‘z vaqtida tarixga kirgan: u 2020 yilda «Neshvill» va «DiSi Yunayted» jamoalari o‘rtasidagi uchrashuvni boshqarib, Shimoliy Amerikadagi MLS ligasida o‘yin olib borgan ilk ayol hakamga aylangan.

2023 yilda esa u ayollar o‘rtasidagi jahon chempionatida faoliyat yuritdi. Eng muhimi, ispaniyalik va angliyalik futbolchi qizlar o‘rtasidagi final uchrashuvida bosh hakam sifatida ishladi. Ushbu bellashuv 1:0 hisobida Ispaniya terma jamoasi foydasiga yakunlangan edi.