Konor MakGregor tomonidan super tayyorgarlik! U necha soat sparring o‘tkazganini ma’lum qildi

Ikki vazn toifasida UFC sobiq chempioni Konor MakGregor Dastin Pore bilan bo‘lajak revansh jangiga tayyorgarligi haqida gapirdi.

"So‘nggi 6 haftalik mashg‘ulotlarda men 375 daqiqa davomida sparring o‘tkazdim. Bu 5 daqiqalik 75 ta  raundga to‘g‘ri keladi. Yoki MMA bo‘yicha 15 ta chempionlik jangi", - deb yozdi irlandiyalik o‘z Instagram sahifasiga.

Konor va Pore o‘rtasidagi revansh jangi 23 yanvar kuni "UFC 257" turniri doirasida bo‘lib o‘tadi. Ularning dastlabki to‘qnashuvida Konor texnik nokaut bilan g‘alaba qozongandi.