Kriştianu Ronalduni norozi̇lik tufayli "An-Nasr"ni tark etishi mumkin

"An-Nasr"ning portugaliyalik forvardi Krishtianu Ronaldu klubning ahvolidan norozi bo‘lib, Saudiya Arabistonini tark etishi mumkin. Record nashri xabariga ko‘ra, hujumchining shartnomasini sotib olish qiymati 50 mln evroni tashkil etadi, MLS va Yevropa esa faoliyatini davom ettirish variantlari sifatida ko‘rib chiqilmoqda.

Manbaga ko‘ra, Krishtianu Ronaldu 2023 yilda mamlakatning to‘rtta asosiy klubi - "An-Nasr", "Al-Hilol", "Al-Ittihod" va "Al-Ahli"ning nazorat paketini sotib olgan Saudiya Arabistoni suveren fondi (PIF) davlat organining "An-Nasr"ga bo‘lgan munosabatidan norozi.

Portugaliyalik yulduz "An-Nasr"ning fond boshqaruvidagi boshqa klublarga nisbatan transfer bozoridagi passivligidan norozi. Uning fikricha, PIF jamoaning chempion bo‘lishiga yo‘l qo‘ymaslik uchun "An-Nasr"ga yangi futbolchilarni qo‘shib olishga to‘sqinlik qilmoqda. Ayni paytda "An-Nasr" "Al-Hilol"dan atigi 1 ochko ortda qolmoqda va chempionlik uchun kurashni davom ettirmoqda.

Ronaldu Saudiya futbolining rivojlanishi va misli ko‘rilmagan darajaga ko‘tarilishida hal qiluvchi rol o‘ynaganini hisobga olsak, u o‘zini ko‘proq hurmatga loyiq deb hisoblaydi. Bundan tashqari, u ushbu musobaqaning mashhurligini oshirish uchun 2034 yilda Saudiya Arabistonida bo‘lib o‘tadigan jahon chempionatining elchisi bo‘lishga rozi bo‘lgan.

Qayd etilishicha, shu sababli Ronaldu Pro-Liganing 20-turidan o‘rin olgan "Ar-Riyod" (1:0) klubiga qarshi o‘yinda maydonga tushishdan bosh tortgan. U hamon asosiy e’tiborini Saudiya Arabistonidagi ilk chempionlik unvonini qo‘lga kiritish va o‘zining shaxsiy maqsadi - 1000 ta golga erishishga qaratgan bo‘lsa-da, Krishtianu Ronaldu klub bilan sodir bo‘layotgan voqealarni adolatsizlik deb hisoblab, norozi­lik bildirishni lozim topdi.