Kumanning gapi erda qoldi

“Barselona” rahbariyati bosh murabbiy Ronald Kuman ketishi kerakligini aytgan Riki Puchni bunga ko‘ndira olmayapti.

Iste’dodli futbolchi ijara asosida boshqa jamoaga ketishni istamayapti va asosiy tarkibga kirish uchun raqobatlashishga tayyor ekanini ta’kidlamoqda. Kuman esa, unga boshqa jamoaga o‘tib, o‘yin amaliyotiga ega bo‘lish va mahoratini oshirishni maslahat bergan.

Uch yildan buyon “Barselona”da o‘ynayotgan Puchga ayni paytda PSV, “Leyptsig” va “Portu”dan aniq takliflar bor.