Laporta "Real"ning hakamlarga bosimi haqida keskin fikrlar bildirdi

Joan Laporta "Real" klubi televideniyasi orqali hakamlarga qilingan bosimni qoraladi. 

- "Real"ning hakamlik muammosiga munobatani qanday baholaysiz? Siz bilan oxirgi marta gaplashganimizda, bundan g‘azablangandingiz. 
 
- "Men hamon g‘azabdaman. Sababi, "Real" televideniyasi qilayotgan ishlar sharmandalikning o‘zginasi. Menimcha, bunga qarshi biror chora ko‘rish kerak, chunki har hafta hakamlarga ta’sir o‘tkazishga urinish bo‘ladi. 

- Menga bir narsa qiziq. Nega hakamlar texnik qo‘mitasi bunga nisbatan qonuniy choralar ko‘rmayapti?

- Bu allaqachon muhokama qilingan. Ular buni ko‘rib chiqishlari kerak. Agar biz mana shu ishni qilganimizda, chora ko‘rilgan va javobgarlikka tortilgan bo‘lardik.