"Lokomotiv" Qo‘qonda mag‘lub bo‘ldi

O‘zbekiston Superligasi 23-turi doirasidagi "Qo‘qon-1912" - "Lokomotiv" uchrashuvi yakuniga etdi. Unda mezbonlar 2:1 hisobida zafar quchdi.

Dastlab, Yakuba Bamba 39-daqiqada hisobni ochgan bo‘lsa, ikkinchi taymda Diyor Turopov muvozanatni tikladi. 75-daqiqada darvozani ishg‘ol etgan Sardorbek Azimov jamoasiga g‘alaba keltirgan golga mualliflik qildi.

Shu tariqa, qo‘qonliklar ochkolari sonini 32 taga etkazib oldi. "Temiryo‘lchilar" 33 ochko jamg‘argan.