Lukaku va Lautaro juftligining mavsumda kiritgan gollari soni 55 taga etdi

“Inter” hujumchisi Romelu Lukaku “Sevilya”ga (1:1) qarshi bo‘layotgan Evropa ligasi finalida gol urdi.

Belgiyalik futbolchi “neradzurrilar” safida bu mavsumdagi 51-uchrashuvida 34-golini kiritdi. E’tiborlisi, Lukaku va Lautaro Martines juftligi joriy 2019/20 yilgi mavsumda raqib darvozasiga jami 55 ta gol urgan.

Argentinalik futbolchi joriy mavsum 49 ta o‘yinda maydonga tushdi va o‘z hisobiga 21 ta gol va 6 ta assistga mualliflik qildi.