Mahoratli bokschilarimiz Ekoparkda fleshmob o‘tkazdi

Ekoparkda O‘zbekiston boks federatsiyasi tomonidan o‘tkazilgan mazkur tadbirda poytaxtliklar sportning boks turi bo‘yicha mahorat saboqlarida ishtirok etdi.

Mahorat saboqlarini Osiyo va Olimpiya o‘yinlarida, qit’a hamda jahon chempionatlarida shohsupaga ko‘tarilgan bokschilar – Shohobiddin Zoirov, Timur Saidov, Muhammadqodir Abdullaev, Elshod Rasulov kabi mahoratli charm qo‘lqop ustalari o‘tkazdi. Shuningdek, tadbirda ustoz bokschi Rufat Risqiev faxriy sportchi sifatida ishtirok etdi.

Tadbirda sportchilarning ko‘rgazmali chiqishlari, taniqli san’atkorlarning kuy-qo‘shiqlari barchaga manzur bo‘ldi.