“Manchester Yunayted” bosh murabbiylikka to‘rt mutaxassisdan birini tanlaydi

“Manchester Yunayted” rahbariyati bosh murabbiy Erik ten Xagni almashtirish masalasida bosh qotirmoqda.

Jamoa kutilgan o‘yinni namoyish qila olmayapti. Erik ten Xag shogirdlarining Chempionlar ligasini sharmandalarcha tark etgani klub g‘aznasiga katta ziyon etkazdi. Niderlandiyalik murabbiyga bosim tobora ortib boryapti.

Relevo nashrining ma’lumotiga ko‘ra, manchesterliklar to‘rt mutaxassis nomi ko‘rsatilgan ro‘yxatni shakllantirdi.

Klub mutasaddilari tez orada Zinedin Zidan, Grem Potter, Roberto de Dzerbi va Xulen Lopetegi bilan muzokara boshlashga tayyorgarlik ko‘rmoqda.