Masharipov ishtirokidagi o‘yin rekord o‘rnatdi

Xabaringiz bor, kecha Eronning "Istiqlol" jamoasi Elit Chempionlar ligasi doirasida o‘z uyida Saudiya Arabistonining "An-Nasr" jamoasini qabul qildi. Mazkur bellashuv Elit ligada eng ko‘p tomosha qilingan o‘yin bo‘ldi.

Ushbu uchrashuvini ko‘rish uchun "Ozodi" stadioniga 75 130 nafar tomoshabin tashrif buyurdi. Bungacha "Persepolis" - "An-Nasr" qarama-qarshiligi 70 350 muxlis bilan Osiyo Elit Chempionlar ligasida joriy mavsumidagi rekord natija edi.

Eslatib o‘tamiz, "Istiqlol" - "An-Nasr" bahsi 0:0 hisobida yakunlandi. O‘zbekiston terma jamoasi etakchisi Jaloliddin Masharipov 71-daqiqada zaxiradan maydonga tushirildi.