Masharipovning "Al-Nassr"ga transferi chindan ham barbod bo‘ldimi?

Anchadan buyon, O‘zbekiston milliy terma jamoasi va "Paxtakor" klubi yarim himoyachisi Jaloliddin Masharipov legionerga aylanishi haqida yozilmoqda. Avvalroq, futbolchi Saudiyaning "Al-Nassr" klubiga o‘tayotganligi haqida saytimizda ham yozgan edik. 

Bugun ijtimoiy tarmoqlarda "Al-Nassr" klubiga yangi futbolchilarni ro‘yxatdan o‘tkazish taqiqlanganligi sababli Masharipovning Saudiya jamoasiga transferi barbod bo‘lganligi haqida xabarlar tarqaldi.

SPORTS.uz sayti muxbiri Jaloliddin bilan bog‘langanda, futbolchi muzokaralar yakuniy bosqichda ekanligi va tez orada klub transferini rasman e’lon qilishi haqida aytdi.

Voqealar rivojini bizning saytda kuzatib borishda davom eting.