"Milan" Ibragimovich uchun kurashga qo‘shildi

Shvetsiyalik mashxur hujumchi Zlatan Ibragimovich yana “Milan”ga qaytishi mumkin.

The Telegraph nashri tarqatgan xabarga ko‘ra “rossonerilar” 35 yoshli futbolchining xizmatlariga jiddiy qiziqish bildirishmoqda. Aytish lozimki, o‘tgan mavsum so‘nggida jiddiy jarohat olgan va ayni damda ushbu jarohatini davolash bilan band bo‘lgan Zlatanga uning so‘nggi o‘ynagan jamoasi “Manchester Yunayted” ham yangi shartnoma taklif qilishni rejalashtirmoqda. Bu haqda jamoa bosh murabbiyi Joze Mourinoning shaxsan o‘zi ta’kidlab o‘tdi.

Eslatib o‘tamiz, Ibragimovichga shuningdek AQShning “Los-Anjeles Gelaksi” va “Los-Anjeles”  klublaridan ham jiddiy takliflar bo‘lmoqda.