Modrich Ronaldu qilgan ishga qo‘l urmaydi

Qatardagi jahon chempionati vaqtida klubsiz qolib, keyinchalik Saudiya Arabistonining “An-Nasr” jamoasi taklifini qabul qilgan Krishtianu Ronalduning bu qarori hamon keng jamoatchilik orasida qizg‘in muhokama qilinmoqda.

Jahon chempionatining qariya qahramonlaridan biri – Luka Modrich ham AQSh va Saudiya Arabistoni klublarida manfaatli takliflar ola boshladi.

Biroq, 37 yoshli pleymeyker hali o‘z kuchiga qattiq ishonishini ta’kidlab, faoliyatini “Real”da davom ettirishga tayyorligini bildirdi.

Modrichning amaldagi shartnomasi mavsum oxirida yakuniga etadi. “Qirollik klubi”, odatda, 30 yoshdan oshgan futbolchilargi javob berib yuboradi. Biroq, Luka Modrich yuqori saviyada o‘ynayotgani bois, uning kelishuvi bir necha mavsumdan beri bir yilga uzaytirib kelinmoqda.