Muhsin Muhammadiev: "Minimum" vazifa bajarilgani uchun yigitlarga rahmat

Superliga 24-turida "Qizilqus" Navoiyda "Buxoro" bilan kuch sinashdi. Bellashuvda kuchlar teng keldi - 1:1.

O‘yindan so‘ng mehmonlar ustozi Muhsin Muhammadiev uchrashuv borasida o‘z fikrlarini bildirdi. Bu haqda klub matbuot xizmati xabar berdi.

- Jangovor o‘yin bo‘lib o‘tdi va uchrashuv menda yaxshi taasurot qoldirdi. Havo sovuq bo‘lishiga qaramasdan, yigitlar yaxshi harakat qilishdi, durang natijaga loyiq o‘yin ko‘rsatishdi. Safardan ochko bilan qaytish har doim yoqimli, "minimum" vazifa bajarilgani uchun yigitlarga rahmat. To‘g‘ri xatolar ham ko‘zga ko‘rindi, lekin bu futbol, unda xatolarsiz o‘ynashning iloji yo‘q, murabbiylar hamma vaqt ham o‘yindan 100 foiz qoniqa olmaydi, durang adolatli bo‘ldi, deb o‘ylayman.

Endi keyingi ikki uchrashuvni o‘z maydonimizda o‘tkazamiz va mavsumni yuqori notada yakunlashga harakat qilamiz, - dedi murabbiy.