"Napoli" futbolchisi A Seriyaning boshqa bir klubiga ko‘chib o‘tdi

“Napoli” himoyachisi Lorentso Tonelli faoliyatini “Sampdoriya”da davom ettiradigan bo‘ldi.

Klub rasmiy sayti tarqatgan xabarga ko‘ra 30 yoshli futbolchi genuyaliklar safida mavsum oxirigacha ijara asosida to‘p suradi. Shundan so‘ng u “Sampdoriya” bilan 2 yillik shartnoma imzolaydi.

Ma’lumot uchun, Tonelli o‘tgan mavsum “Sampdoriya”da ijarada to‘p surgan va 19 ta o‘yinda maydonga tushib, 1 ta gol urishga erishgan edi.