"Nasaf" OChLdagi 9-g‘alabasiga erishdi. Boshqa klublarimizning natijalari qanday?

"Nasaf" OChL plef-off bosqichida BAAning "Baniyas" klubini taslim etib, guruh bosqichiga yo‘l oldi. Qarshiliklar endi "E" guruhida ishtirok etadi. Ushbu kvartetda "Al Sadd" (Qatar), "Al Faysali" (Saudiya Arabistoni), "Al Vihdad" (Iordaniya) klublari mavjud.

Mazkur muvaffaqiyat "ajdarlar"ga OChLdagi 9-g‘alaba sifatida qayd etildi. Buning uchun "Nasaf"ga 29 ta o‘yin kerak bo‘ldi.

Umuman olganda, klublarimiz orasida "Paxtakor" eng ko‘p g‘alabaga erishgan - 110 o‘yin, 48 g‘alaba. Ikkinchi eng yaxshi ko‘rsatkich "Bunyodkor"da 28. "Neftchi", "Lokomotiv" va "Nasaf"da 9 tadan g‘alaba bor.

Qatarda faoliyat yuritayotgan mutaxassis Alisher Nikimbaev o‘zbek klublarining OChL bahslaridagi statistikasini taqdim etdi.

"Paxtakor" 110 ta o‘yin - 48 g‘alaba

"Bunyodkor" 83 ta o‘yin - 28 g‘alaba

"Neftchi" 23 ta o‘yin - 9 g‘alaba

"Lokomotiv" 37 ta o‘yin - 9 g‘alaba

"Nasaf" 29 ta o‘yin - 9 g‘alaba

AGMK 9 ta o‘yin - 4 g‘alaba

"Mash’al" 6 ta o‘yin - 2 g‘alaba