"Navbahor"ning yangi futbolchilari qaysi raqamlarda to‘p suradi?

Bugun “Navbahor” jamoasi Namangandagi “Markaziy” stadion maydonida navbatdagi mashg‘ulotlarni o‘tkazdi.

Ushbu jarayon yakunida esa, davralar oralig‘ida tarkibga qo‘shilgan yangi o‘yinchilar o‘zlariga tegishli raqamlar tushirilgan futbolkalarni qabul qilib olishdi.

Unga ko‘ra, Ilhom Alijonov 28, Boyan Naydenov 88, Ibrohim G‘anixonov 20, Boyan Tsiger 4 va Kosta Gutiner 14-raqam ostida o‘ynaydigan bo‘ldi.

Biz ushbu futbolchilarning “Navbahor” safida ulkan muvaffaqiyatlarga erishib, jamoamiz g‘alabalariga o‘z ulushlarini qo‘shishlariga, yorqin o‘yinlari bilan namanganlik muxlislar olqishiga sazovor bo‘lishlariga tilakdoshmiz.

Biz yangi futbolchilarning barchasiga “Navbahor”ga xush kelibsiz!” deb qolamiz, - deyiladi klub matbuot xizmatining xabarida.