Neymar Messi bilan emas, Ronaldu bilan o‘ynashni orzu qilyapti

“Pari Sen-Jermen” hujumchisi Neymar ayni paytda “Yuventus” hujumchisi Krishtianu Ronaldu bilan bir jamoada to‘p tepishni orzu qilayotganini aytdi.

- Men Krishtianu Ronalduni tanlayman. Faoliyatim davomida Lionel Messi va Kilian Mbappe singari zo‘r futbolchilar bilan birga o‘ynadim. Endi Ronaldu bilan birga to‘p tepishim kerak, - dedi Neymar.

Neymar 8 may kuni PSJ bilan 2025 yilning yozigacha amal qiladigan yangi shartnoma imzoladi. Braziliyalik yulduz 2017 yili “Barselona”dan 222 million evro evaziga olib kelingan edi. Bu transfer rekordi hali yangilangani yo‘q.