Osiyo chempionati. 10 nafar bokschimiz finalga yo‘l oldi!

Xabaringiz bor, 30 iyuldan 12 avgustga qadar Tailandning Bangkok shahri 22 yoshgacha bo‘lgan bokschilar va yoshlar o‘rtasida Osiyo chempionatiga mezbonlik qiladi.

Kun davomida U-19 terma jamoamizdan 12 nafar bokschi final uchun o‘z bahslarini o‘tkazdi.

Bugungi birinchi yarim final bahsida, -48 kg vaznda ringga ko‘tarilgan Maftuna Musurmonova Vetnam vakilasi Thao Than Lusni qiyinchiliksiz taslim etdi - 5:0;

Sevara Mamatova -60 kg vaznda bo‘lib o‘tgan yarim finalda, qozog‘istonlik Alina Kudaigenovaga hech qanday imkon qoldirmadi. Sevara jang davomida raqibasini nokdaun holatiga ham tushirdi - 5:0;

Navbatdagi yarim finalda, Rayhona Qurbonboeva -70 kg vaznda qirg‘izistonlik Zarina Asanovani ikkinchi raundda texnik nokautga uchratdi;

-75 kg da Maftuna Yangieva xitoylik Tongtong Guga hakamlarning qarorlariga ko‘ra 2:3 hisobida mag‘lub bo‘lib, bronza medali bilan musobaqani yakunladi;

-80 kg vaznda bo‘lib o‘tgan bahsda, Ruxshona Parpieva qozog‘istonlik Kuralay Eginbaykizidan 0:5 hisobida engilib, chempionatni uchinchi o‘rinda tugatdi;

-60 kg vaznda o‘tkazilgan yarim finalda, Abdurahmon Mahmudjonov qozog‘istonlik Tortubek Adiletga 2:3 hisobida imkoniyatni boy berib qo‘ydi;

Jahongir Zayniddinov -65 kg vaznda bo‘lib o‘tgan yarim finalda, xitoylik Yuheng Lini qiyinchiliksiz mag‘lub etdi - 5:0;

Abdulaziz Jo‘raqulov ham finalga yo‘l oldi. Bokschimiz bu yo‘lda eronlik Saleh Roozbahanini 5:0 hisobida taslim qildi;

Muhammadjon Yaqupboev  -75 kg vaznda qirg‘izistonlik Usman Kaparovdan 5:0 hisobida ustun keldi;

Norbek Abdullaev o‘tish bahsida, -80 kg vaznda Janubiy Koreya vakili Heon-Seung Jeongni 5:0 hisobida mag‘lubiyatga uchratdi;

-85 kg vaznda bo‘lib o‘tgan yarim finalda, Samir Sobirov yana bir Janubiy Koreya vakili Damheon Parkga hech qanday imkon qoldirmadi - 5:0;

+90 kg da Islam Salihov eronlik Abbas Garshasbi ustidan ochkolar evaziga zafar quchdi.

Eslatib o‘tamiz, +80 kg vazndagi Sobiraxon Shaxobiddinova qur’aga ko‘ra, to‘g‘ridan-to‘g‘ri final yo‘llanmasini qo‘lga kiritgan. Bu haqda O‘zbekiston boks federatsiyasi xabar bermoqda.