O‘zbekiston OChL guruh bahslarini o‘zida qabul qila oladimi?

Osiyo futbol konfederatsiyasi musobaqalar to‘g‘risidagi qarorini ma’lum qildi. Bundan kelib chiqadiki, Osiyo chempionlar ligasi guruh bosqichining g‘arbiy zonasi bir mamlakatda o‘tkazilishi kerak.

Agar "Paxtakor" guruh bahslarini Toshkentda qabul qilmoqchi bo‘lsa, O‘FA qolgan to‘rt guruhni qabul qilish uchun ham ariza berishi kerak. Hozirda g‘arbda faqat bitta davlat barcha guruhlarga mezbonlik qilish imkoniyatiga ega. Bu Saudiya Arabistoni. 

Sharqiy zonada bunday cheklovlar yo‘q. Shu sababli, O‘zbekiston hali ham Chempionlar Ligasi guruh bosqichini qabul qilishi mumkin, lekin o‘tgan yilgidak sharq jamoalarini.

Manba: Futbolium