O‘zbekistonlik muay taychi Shohruh Xolmurodov mag‘lubiyatsiz seriyasini davom ettirdi

O‘zbekistonlik yakkakurash jang san’atlari ustasi Shohruh Xolmurodov o‘zining professional ringdagi uchinchi jangini Tailanddagi “Bangla” stadionida o‘tkazdi.

“Tiger Muay Thai” klubi a’zosi Shohruh Xolmurodov mazkur bellashuvni nokaut bilan yakunladi va jang g‘olibiga aylandi.

Sportchimiz endi faoliyatini MMAda davom ettirishini rejalashtirmoqda. Ushbu jangdan so‘ng hamyurtimiz “Bangla”ga tashrif buyurgan UFC prezidenti Dana Uayt bilan uchrashdi va esdalik uchun suratga tushdi.