O‘zbekistonlik taniqli referi bugun "ACA 41" turnirida jang qiladi

Bugun 19 oktyabr kuni Rossiyaning Krasnadar shahrida "ACA 41" turniri tashkil etilmoqda.

Biz uchun ahamiyatli jihati, ushbu oqshomda hamyurtimiz Dadaxon Hasanov ham oktagonga ko‘tariladi. U mezbonlar vakili Vasiliy Kozlovga qarshi jang qiladi. Dadaxon zahira jangchisi sifatida jangni qabul qildi. Bahs kelishilgan vazn (73 kg) toifasida o‘tkazilmoqda. Ma’lumki, Dadaxon Hasanov yurtimizning MMA va pankration yo‘nalishida referi sifatida ham faoliyati yuritadi.

Ma’lumot uchun, hamyurtimiz professional faoliyatida 10 ta g‘alaba va 6 mag‘lubiyat qayd etgan bo‘lsa, rossiyalik jangchining rekordi 7-4 ko‘rinish olgan.