Pogba hammasini mavsum oxirida hal qiladi

"Manchester Yunayted" yarim himoyachisi Pol Pogba kelasi mavsumda qaysi jamoada o‘ynashi borasida hali ham bir qarorga kelmagan.

Sky Sports xabariga ko‘ra, 28 yoshli futbolchi o‘z kelajagi haqida joriy mavsum oxirida qaror qabul qiladi.

Hozirda frantsiyalik futbolchining oldida 2 ta yo‘l turibdi: “qizil iblislar” bilan shartnomani uzaytirishi yoki erkin agent sifatida jamoadan ketish.

Pol Pogba bu mavsum “Manchester Yunayted” safida jami 13 ta o‘yin o‘tkazib, 7 ta golli uzatmani amalga oshirdi. U so‘nggi ikki oyni jarohati tufayli o‘tkazib yubordi.