Portugaliyalik yulduz Madridni tark etadi

"Atletiko" hujumchisi Joau Felish klubdan ketmoqchi, deya yozmoqda AS nashri. 

Manbanining ma’lum qilishicha, portugaliyalik yulduz yozgi transfer vaqtida jamoasini o‘zgartirishni rejalashtirmoqda. Futbolchi faoliyatini kuchliroq va sovrinlar uchun kurashuvchi klubda davom ettirmoqchi. Forvardning fikricha, "Atletiko"da jahonning eng yaxshi futbolchisi darajasiga chiqa olmaydi. 

"Transfermarkt" portali 22 yoshli Felishni 75 million evroga baholamoqda. Hujumchi joriy mavsum madridliklar safida 8ta o‘yinda maydonga tushib, o‘z nomiga bitta gol va assist yozdirib qo‘ygan.