PSJ "Arsenal" himoyachisini sotib olmoqchi

PSJ futbolchisi Nuno Mendesh jarohat olib, bir necha oyga safdan chiqqan bo‘lishi mumkin (uning qachon maydonga tushishini jamoa ma’lum qilmagan). Shu sababli, klub chap qanot himoyachi sotib olmoqchi. 

"Relevo" nashrining ta’kidlashicha, parijliklar "Arsenal" vakili Nuno Tavaresni o‘z tarkibiga qo‘shib olishga harakat qilmoqda. PSJ rahbariyatiga portugalning o‘tgan mavsum "Marsel" tarkibida ko‘rsatgan o‘yini ma’qul keldi. 

Mish-mishlarga ko‘ra, Tavares Mikel Arteta rejalaridan joy olmagan, ya’ni "kanonirlar" uni sotishga tayyor. Ammo hali rasmiy taklif olgani yo‘q.