PSJ o‘yinga tayyor bo‘lmagan Neymarni maydonga tushirmoqchi
PSJ bosh murabbiyi Tomas Tuxel jamoa hujumchisi Neymarning salomatligi haqida ma’lumot berdi.
- Neymar biz uchun juda muhim o‘yinchi. Hozir u jismoniy jihatdan tayyor emas. Shunga qaramay, Chempionlar ligasida “Leyptsig”ga qarshi uchrashuvni boshlang‘ich tarkibda boshlaydi. U katta o‘yinlarda ruhiy bosimga dosh bera oladi, - dedi Tomas Tuxel.
Neymar Chempionlar ligasining oldingi turida “Istanbul Bashakshehir”ga qarshi uchrashuvda jarohat olgan edi.
Hozir parijliklar o‘z guruhida uch ochko bilan uchinchi o‘rinda bormoqda. Ulardan bir pog‘onada yuqori turgan “Leyptsig” olti ochko jamg‘argan.
Fikrlar