PSJga bormayman!

“Barselona” futbolchisi Usmon Dembele o‘zining PSJga o‘tishi haqidagi xabarlarga munosabat bildirdi.

- Hamma nega PSJ haqida ko‘p gapirayotganini bilmayman. Lekin menga ishoning, PSJ borasida hech narsa bo‘lgani yo‘q va bo‘lmaydi ham, - dedi Usmon Dembele.

Frantsiyalik hujumkor futbolchi yakunlangan mavsumda “Barselona” safida 35 marotaba maydonga tushdi.

Bu uchrashuvlarda u sakkizta gol va to‘qqizta assist qayd etdi. Kataloniyaliklar 26 yoshli futbolchi bilan hamkorlikni uzaytirishni istayapti.