“Qariya” Ronaldu Xoland va Mbappega “dars” berib qo‘ydi

Portugaliya terma jamoasi 2024 yilgi Evropa chempionati saralash bosqichida safar uchrashuvida Bosniya va Gertsegovinani 5:0 hisobida taslim qildi.

Birinchi bo‘limning o‘zida dubl qayd etgan Krishtianu Ronaldu 2023 yilda eng ko‘p gol urgan futbolchilar reytingida birinchi o‘ringa ko‘tarilib oldi.

Ikkita aniq zarba evaziga Ronalduning bu yil “An-Nasr” va Portugaliya terma jamoasi uchun urgan  gollari sonini roppa-rosa 40 taga etdi. 38 yoshli tajribali hujumchi bu ko‘rsatkich bo‘yicha yangi avlod to‘purarlari – Erling Xoland va Kilian Mbappedan o‘zib ketdi.

Xoland “Manchester Siti” va Norvegiya o‘yinlarida bu yil hisobidan 39 ta to‘p kiritgan. PSJ va Frantsiya terma jamoasining asosiy hujumchisi Kilian Mbappe hisobida 35 ta gol bor.