Qodirqulovning Rossiyaga transferi "otmen" bo‘ldimi?

"Bunyodkor" yarim himoyachisi Sanjar Qodirqulov faoliyatini Rossiya chempionatida davom ettirishi haqida xabar bergan edik.

SPORTS.UZ saytiga ma’lum bo‘lishicha, Qodirqulovning agenti Yuriy Belous futbolchini RPLning bir nechta klublariga tavsiya qilgan. Ammo jamoalar Belousga ishonmayapti. Sababi, avvalroq Belous katta maqsadlar ila "qaldirg‘ochlar"ning boshqa bir futbolchisi Jasur Jaloliddinovni ham Rossiya diyoriga olib ketgandi, biroq Jasur kutilganidek o‘yin ko‘rsata olmadi.

Manbaning qo‘shimcha qilishicha, Sanjarga Superliga klublaridan ham takliflar bor. Uning "Bunyodkor" bilan amaldagi shartnomasi yakunlangan. Tomonlar yangi bitim borasida muzokaralar o‘tkazmayapti.