Qozog‘iston. Igor Sergeev tur ramziy terma jamoasidan o‘rin oldi (foto)

“Tobol” klubi hujumchisi Igor Sergeev Qozog‘iston Premer-ligasi 1-tur ramziy terma jamoasidan o‘rin oldi. Sports.kz sayti “Akjayik” darvozasini ishg‘ol qilgan hamyurtimizni ramziy termaga kiritdi.

“Sergeevning ushbu bellashuvdagi dastlabki goli bekor qilingan bo‘lsada, u yakunda maydonni golsiz tark etmadi”, – deyiladi xabarda.

Qayd etish joiz, 28 yoshli hujumchi tomonidan kiritilgan gol “Tobol”ga 3 ochko keltirdi.