Rakitich "Real" bilan yuzaga kelgan raqobat haqida gapirdi

"Barselona" klubi yarim himoyachisi Ivan Rakitich kecha "Atletik" Bilbao (1:0) ustidan qozonilgan g‘alabadan so‘ng, “Real” bilan yuzaga kelgan chempionlik poygasi haqida gapirib o‘tdi.

“Real” ham huddi bizdek favorit. “Barselona” oxirigacha kurashadi. Ular butun e’tiborlarini o‘z o‘yinlariga qaratishgan, biz ham. Biz har bir o‘yindan maksimal darajada foydalanishni xohlaymiz”, - deydi xorvatiyalik futbolchi.

Eslatib o‘tamiz, “Barselona” ayni damda 68 ochko bilan La Liga musobaqa jadvalida 1-o‘rinda ketmoqda. Undan keyingi o‘rindagi “Real”da esa 65 ochko bor. Ammo, Zidan shogirdlari 31-tur o‘yinlarini bugun o‘tkazishadi.