Rasman! Aaron Remzi boshqa jamoaga o‘tdi

"Yuventus" klubi yarim himoyachisi Aaron Remzi mavsumning qolgan qismini Glazgo "Reynjers"da o‘tkazadi. Bu haqda klub rasmiy sayti xabar tarqatmoqda.

Yuqoridagi manbaga ko‘ra, shotland grandi 31 yoshli uelslik futbolchini keyinchalik sotib olish huquqi bilan yarim yilga ijaraga olgan.

Ma’lumot uchun, Remzi "Yuventus" safiga 2019 yil “Arsenal”dan kelib qo‘shilgan edi. U o‘tgan davr mobaynida turinliklar tarkibida jami 70 ta o‘yinda maydonga tushdi va 6 ta gol hamda 6 ta golli uzatmaga mualliflik qildi. Aaron Uels terma jamoasida 71 ta o‘yinda ishtirok etgan va o‘z hisobiga 20 ta gol yozdirib qo‘ygan.