Rasman! "Brayton" bosh murabbiyi jamoani tark etadi

"Brayton" bosh murabbiyi Roberto De Zerbi yakshanba kuni "Manchester Yunayted"ga qarshi o‘tkaziladigan Premer-liganing oxirgi o‘yinidan so‘ng jamoani tark etishini tasdiqladi.

Italiyalik Grem Potter o‘rnini egallaganidan so‘ng "chaykalar"ni Evropa ligasiga olib chiqishga muvaffaq bo‘ldi. Biroq, klub endi yakshanba kungi o‘yin 44 yoshli mutaxassis uchun oxirgi o‘yin bo‘lishini ma’lum qildi.

"Men "Brayton"ni tark etganimdan juda xafaman, lekin o‘yinchilarim va xodimlarim klubdagi barcha va ajoyib muxlislarimizning qo‘llab-quvvatlashi bilan so‘nggi ikki tarixiy mavsumda erishgan yutuqlaridan juda faxrlanaman. Klub va men o‘z g‘oyalarimiz va qarashlarimizga, shuningdek, ishimiz va qadriyatlarimizga amal qilgan holda "Brayton"dagi vaqtimni tugatishga kelishib oldik", - dedi De Zerbi. 

Robertoning keyingi manzili hozircha aniq emas. Unga "Barselona", "Bavariya" va "Milan" kabi jamoalar qiziqish bildirmoqda.