Rasman! Klaudio Bravo "Manchester Siti"ni tark etdi

Chililik darvozabon Klaudio Bravo “Manchester Siti”ni tark etdi. Bu haqda klub rasmiy sayti xabar tarqatmoqda.

37 yoshli posbon “shaharliklar” safiga 2016 yil “Barselona”dan ko‘chib o‘tgan edi. U o‘tgan to‘rt yil mobaynida “Siti”da jami 61 ta o‘yinda maydonga tushdi va shularning 20 tasida o‘z darvozasi daxlsizligini saqlab qoldi. Bravo “Manchester Siti” bilan jami 8 ta sovrin qo‘lga kiritdi, shu jumladan 2 marta APL g‘olibi bo‘ldi.

Hozircha Bravo faoliyatini qaerda davom ettirishi borasida ma’lumotlar yo‘q.