
Rasman! "Lokomotiv" o‘z tarkibiga legioner hujumchi qo‘shib oldi
Kelasi mavsumni Pro ligada o‘tkazadigan "Lokomotiv" klubi legioner hujumchi transferini e’lon qildi.
Yangi mavsumda jiddiy maqsadlarni qo‘yayotgan "Lokomotiv" o‘z safiga iste’dodli hujumchini qo‘shib oldi.
Tojikiston milliy va olimpiya terma jamoasi a’zosi Rustam Soirov bugun klub bilan 2 yillik shartnoma imzoladi.
Ma’lumot uchun, Rustam Soirov 2002 yil 12 sentyabrda Tojikiston poytaxti Dushanbeda tavallud topgan. Ampluasi hujumchi.
U "Istiqlol" klubining tarbiyalanuvchisi hisoblanadi. Rustam Soirov "Istiqlol" safida Tojikiston chempioni, kubok va Superkubok sohibi bo‘lishdan tashqari Osiyo chempionlar Ligasi hamda OFK Kubogida ham ishtirok etgan.
O‘tgan yil Soirov Tojikiston Superligasida 15ta gol urishga muvaffaq bo‘ldi. Futbolchi bungacha Estoniyaning "Levadiya" klubida faoliyat olib borayotgandi. Endilikda esa "temiryo‘lchilar" sharafini himoya qiladi.
Fikrlar