Rasman! "Napoli" yangi futbolchi sotib oldi

"RB Leyptsig" klubi yarim himoyachisi Diego Demme faoliyatini "Napoli"da davom ettiradi. Bu haqda klub rasmiy sayti xabar tarqatmoqda.

Hozircha shartnoma tafsilotlari oshkor etilmayapti. Biroq, bundan avvalroq 28 yoshli germaniyalik futbolchining transferi neapolliklarga 10 mln evroga tushishi aytilayotgan edi.

Ma’lumot uchun, Demme “RB Leyptsig” safida 2014 yildan buyon to‘p surib kelayotgan edi. U joriy mavsum 24 ta o‘yinda ishtirok etdi va 1 ta gol urishga erishdi.