Rasman: Oston O‘runov RPLning boshqa klubi bilan shartnoma imzoladi

O‘zbekistonlik yarim himoyachi Oston O‘runov Ekaterinburgning “Ural” bilan shartnoma imzoladi, deb xabar bermoqda klub matbuot xizmati.

Futbolchi ertaga jamoa safiga kelib qo‘shiladi va 5 sentyabr, dushanba kunidan mashg‘ulotlarni boshlaydi.

Bugun, 2 sentyabr kuni “Spartak” 21 yoshli O‘runov bilan shartnomani bekor qilganini e’lon qildi. Hamkorlikni to‘xtatish to‘g‘risidagi qaror o‘zaro kelishuv asosida qabul qilindi.

O‘zbekiston terma jamoasi a’zosi 2020 yilda “qizil-oqlar” kelib qo‘shilgan bo‘lib, 9 ta o‘yinda maydonga tushgan va 1 gol muallifiga aylangan.