"RB Leyptsig"ning sobiq ustozi "Milan"da birdaniga 2 ta lavozimda ish boshlashi mumkin
“Milan” klubi rahbariyati hamon germaniyalik mutaxassis Ralf Rangnikni jamoaga olib kelish masalasini muhokama qilmoqda.
Gazzetta dello Sport nashri tarqatgan xabarga ko‘ra “rossonerilar” 61 yoshli murabbiyga “3+1” ko‘rinishida shartnoma taklif qilishmoqda.
Ta’kidlash kerakki, Rangnika “Milan”da nafaqat bosh murabbiy, balki sport direktori vazifasini ham bajaradi. Aynan u barcha transferlarni nazorat qiladi.
Ma’lumot uchun, Rangnik faoliyati davomida “Shtutgart”, “Gannover 96”, “Shalke 04”, “Xoffenxaym” va “RB Leyptsig” klublarini boshqargan.
Fikrlar