"Real" Mbappe uchun 4 futbolchisidan voz kechmoqchi

Ikki asosiy yulduzini qo‘yib yuborgan "Real" iloji boricha tezroq futbolchi sotib olmoqchi.

Xabarlarga qaraganda, "qirollik klubi" uzoq kutilgan Kilian Mbappe transferini shu yozdayoq amalga oshirishga harakat qiladi. Buning uchun madridliklar rahbariyati bir necha futbolchilarini sotishga tayyor.

Jumladan, Garet Beyl, Isko, Martin Edegor va Luka Yovich joriy yilda boshqa jamoa safiga borib qo‘shilishi mumkin. Ushbu futbolchilar sotuvidan "Real" Mbappe uchun etarli summa ishlab olmoqchi.

"31 avgust sanasining so‘nggi daqiqalariga qadar, kimlar kimlar ketishi va kelishi noma’lumligicha qoladi. Asosiy maqsad - Kilian Mbappe bilan shartnoma imzolash. Bu yo‘lda Beyl, Isko va boshqa futbolchilar jamoadan ketishi mumkin",-deya yozadi "The Athletic" nashri.