"Real" yana bir futbolchisini uzoq muddatga yo‘qotdi

"Real" Madridning o‘ng qanot himoyachisi Dani Karvaxal kecha La Liganing 23-turidan o‘rin olgan “Valensiya”ga (2:0) qarshi o‘yinda jarohat oldi.

Cope nashrining xabar berishicha, 29 yoshli ispaniyalik futbolchi mushaklaridan jarohat olgan. Shifokorlar uning taxminan 1,5 oy maydonga tusholmasligini aytmoqda.

Karvaxal joriy mavsum “Real” safida 12 ta o‘yinda maydonga tushdi va 4 ta golli uzatmaga mualliflik qildi.